（十）今晚饮嘢夜唔夜 （下）
「Free shot free shot。」门口嘅看更兼拉客员，喺带我哋去坐定嘅时候，不断咁重复呢句。玻璃壶入面嘅水烟因为Jackie嘅大力吸啜而冒出大量气泡，黑色嘅管道因为入面嘅乾冰而布满水珠，搽咗唇膏嘅嘴唇中间呼出充满人工甜味嘅白烟，飘浮喺佢面前，令佢睇落更加诱人。我开始明白点解Jackie中意食Shisha，因为如果我系直仔，我都可能会睇到扯咗少少。而好明显地，班直仔都系围住两条女坐。
透明嘅胶架喺我左边嘅空位摄入嚟，上面嘅七杯blowjob，nai白色嘅cream浮喺一早被沟过水嘅酒Jing入面，每人接过一杯之後，cheers完就一饮而尽。已经唔知第几杯酒嘅我，视野一早已经开始摇晃，但啱啱到嘅新猪rou们好似仲系好醒咁，所以我哋都好客气咁，灌佢哋饮酒。
一轮嘅酒Game，猜枚，骰盅过後，酒Jing开始喺大脑度积聚，令大家都稍微更为开放。Calvin Harris 嘅歌即使系酒吧嘅尽头播紧，我同Anton同埋Daniel望住隔离枱嘅笑声越嚟越大。
「好似呢啊Chris佢哋散咗喎。」Anton小心翼翼咁讲，好似惊泄漏咗啲咩秘密咁。
「我都有见到佢ig del哂啲相。」我喺Janice手入面接过佢传俾我嘅Shisha吸管，冰凉嘅水果味钻入嘅我牙缝同埋面颊中间，我停顿咗一秒，再将白色嘅烟呼返出嚟。
「喂，咁你知唔知点解嘅？」Anton转向安静嘅Daniel。
「吓，我点会知呀，好耐无同佢?见过啦。」Daniel好似对呢个话题毫无兴趣。
「喂，不如去饮Grenade啦？」已经有啲醉意嘅Jackie行埋嚟，好自然地坐喺我半边大脾上面。
「惊你呀？」我毫不犹豫咁应承。我一啖乾咗枱上面嘅cocktail，前往另一间酒吧。喺呢条充满住选择嘅街道，人来人往喺酒吧嘅常态，无人expect你会一晚留喺同一间Bar。可能我哋都系慾望主导嘅动物，得一想二系我哋嘅天性。身边擦肩而过嘅人太多，喺酒吧林立嘅兰桂坊，围困喺过於三心两意嘅人海之中。
门口嘅Security已经唔会再问我哋查身分证，满座嘅酒吧好急忙嘅清咗一张细枱俾我哋，Janice喺酒保嘅耳边讲咗几句，连menu都唔使睇。无耐，七杯巧妙咁放置好嘅Grenade 摆喺呢张狭隘嘅木枱上面，透明嘅一Shot vodka同一shot jager，卡喺一杯细啤酒嘅杯口，然後再一Shot vodka同头先嘅细啤酒，卡喺一杯大啤酒上面。未饮过Grehomas有啲吓亲，
「哗，点饮?呢个？」
「嗱，你首先拎起个vodka shot 饮咗先，然後拎细杯同大杯啤酒饮，啲shot会自己跌落去?啦。」Janice喺Macklemore嘅背景音乐盖过佢嘅声线之下，好简单咁解释一次，「嗱，计时嘅，老规矩，边个饮得最慢请饮得最快嗰个饮！」
Thomas同新朋友仔好似未系好ready，大家已经攞定手机出嚟计时。DJ控制嘅Beat Drop之後，我抽走第一个Shot，味蕾都未嚟切反应，喉咙嘅刺热感都仲未飙升去扁桃脾上面，我就已经全部都好似倒水咁倾泻入我嘅食道，灼热嘅感觉一直窜到去胃壁，直到我望见透明嘅杯底，我?下手机上面嘅绿色制停低计时器，11秒23，好似比上次慢咗少少。然後我抬头，见到Jackie嘅笑容，同埋10秒几嘅计时。
新朋友毫不吝啬咁拎起银包想要请Jackie，但系Jackie话新朋友仔第一次饮，唔使佢请。佢拉咗Janice同佢一齐出去酒吧中间嘅Dance floor跳舞，然後Thomas同埋新朋友仔都跟埋出去。望住啲直仔Hopelessly咁尝试媾女，有时我都喺度谂，不如简简单单好似基佬咁，搵咩就一开始讲明，反而仲方便。红绿蓝嘅雷射射灯不断喺地面，枱上面，空气之中划过，酒吧入面嘅所有嘢都伴随住音乐嘅重音而震动，人体因为酒Jing同跳跃嘅热力同头顶嘅冷气搏奕，但我嘅视线飘浮到去舞池中心嘅一对男女，手臂互相环绕住对方嘅颈部，喺人群之中肆无忌惮咁接吻，间唔中射灯照射住佢哋，就好似浪漫嘅爱情电影咁，身边嘅一切都好安静，身边嘅所有人都消失，净系得返对方。
我呆咗咁望住佢哋，可能系画面太过吸引，又或者系头先嘅水烟，令到我头脑思考唔再清晰。音乐突然转变，Fifth Harmony标志性嘅前奏响起，我同Anton好自动咁交换咗个眼神，然後就开始摇摆下盘。大脑已经闭塞嘅我净系想要肢体嘅接触，捉住Daniel不断磨佢，令一边食花生嘅Ivan同埋啱啱返嚟透下气嘅Janice睇得好开心。我远离远靠近Daniel，Daniel有啲尶尬，虽然唔系我第一次咁样喺佢身上面磨，但系有咁多观众，都系第一次。我靠近佢条