讲唔出名嘅Hip hop歌，另我突然挂住上环间club嘅DJ。喺舞池中央嘅人返翻枱边，我唔能够将视线从佢身上移开，但我又唔想比佢发现我有咩异常，更加唔想挑起件事嚟讲，但我又好热切，甚至好痕痒地，想要知道更多。佢额角嘅汗珠沿鬓边滑落颚骨，皮肤都发热力。隔离嘅Jackie着返佢件bomber，遮住佢露出嘅膊头同手臂，而新朋友仔都迈向门口。我知道系时候要前往下一站，所以拉埋Anton同Daniel走。出得嚟玩，就唔使对一间bar太有感情，更加要知道，几时离场。
三点过後嘅兰桂坊仍然未有人群消退嘅迹象，转左之後艺穗会嘅旧建筑出现喺面前，同背後嘅吵闹格格不入，但长久以来大家都习惯咗。沿住云咸街向下，行到去楼梯口，有人喺栏杆上面坐住煲烟，两个醉咗嘅女仔拖住对方拉拉扯扯，脚步似乎要跌倒但又企返起身，一个男人坐喺楼梯上面，头埋喺双腿之间，唔知系醉咗定训咗。大堂嘅灯光令习惯咗喺黑暗之中嘅瞳孔收制不及，唯有眯起眼嚟承受过於强烈嘅灯光，但好快上到楼上之後，又没入喺黑暗嘅世界，得返盖掩一切声音嘅音乐，同令人迷醉嘅雷射灯。
未搵到食嘅Ivan率先行入舞池，而Jackie同Thomas，Janice同新朋友仔四个都紧随住。我哋三个行向吧枱，买完嘢饮再逼返翻中间嘅时候，Ivan已经身边多咗个女仔。
「你庄友都几劲喎。」我饮咗啖手入面嘅Mojito，喺Daniel耳边讲。
「唔够你劲啦。」Daniel突然回敬我咁样一句。
「多谢，我都觉我好劲。」其实我都唔知，佢咁讲系咩意思。
「两点钟，有靓仔。不过有少少MK。」Anton唔会放过J靓仔嘅机会。
「睇唔到样喎，不过佢隔离啲friend都几mk喎。」
「我都啱MK仔?喎。」其实，我咩仔都啱。
「行埋啲？佢望住我哋喎。」
「一定系你太基啦Anton。」我打量咗一吓Anton一身Danso行出嚟嘅打扮，纯白色嘅pocket tee同卡其色嘅吊脚裤，一件oversize嘅军绿色utility vest同埋一顶黑色嘅Kangol渔夫帽，成浸danso徐浮哂出嚟。我望住对面嗰个人，背脊写住好大个Anti Social Social Club，有啲高，有啲大只，又系今晚见到嘅唔知第几件。佢不时拧转头，不过望嘅唔系我，唔系Anton，而系Daniel。
「喂！咁都撞到你嘅」凝视住Daniel嘅男仔首先开口，原来系一早已经识嘅。
「系罗，我都唔知你嚟开呢度嘅?」Daniel无谂住介绍比我哋认识，反而行咗去佢哋个边。不过我哋都惯咗，每咁上下时间，Daniel就会喺唔知边度，撞到唔知边个，消失一段时间，然後又突然出现。
半夜过後嘅Club永远都系重覆嗰几首歌，播完啱啱Zedd嘅Beauitful now，然後又系David Guetta嘅Titanium，之後就会摄到首smokers 嘅Something just like this，几乎间间Club都系离离去去嘅歌，离离去去个啲人，着住离离去去嗰几个牌子嘅衫，饮着离离去去个几杯饮品。
Jackie 同Thomas越嚟越接近，但始终无过於令人兴奋嘅接触，最多只系将双手搭喺膊头上面。Janice同新朋友仔喺隔离跳紧，距离更疏，连皮肤嘅接触都无。Ivan同佢嘅女伴已经锡紧，喺漆黑嘅掩护之中，双手互相喺唔应该放置嘅地方游走，不过喺夜深嘅时份，酒醉嘅情节，一切都咁合情合理。我双手搭喺矮我半个头嘅Anton身上面，无力咁左右摆动，更多嘅系人群嘅挤逼而迫使我郁动，最後一杯嘅vodka soda已经抵达线路错乱嘅大脑，令我逐渐丧失时间，方向同空间感。
经过一轮摇晃之後，我唔知点样终於搵到一个卡位坐低，唔知走咗去边嘅Daniel又出现返喺我哋面前，Jackie自己一个行埋嚟，喺我隔离坐低。
「Thomas呢？」我好奇一问。
「去咗toilet。」
「成晚都揽住佢喎你。」
「揽吓遮，做咩啊，呷醋啊？惊我抢走你Roommate啊？」
「唔系?觉得神奇遮?你好少?咁主动?喎。」
「哈，你平时都好少，咁样坐埋一边?。」
「老啦。」
「系咪啊，咁快就顶唔顺啦？」
Jackie 拉起我，我一後退，唔小心踩到只脚，我正想讲对唔住嘅时候，拧转头就见到Ivan。佢双手扶稳我，半嘲笑咁讲，
「咁快就唔掂要比人执屍啦？」
「咦？你条女呢？」
「走咗啦，不过我抄咗牌，哈哈。」
「叻啦叻啦」坐喺一边嘅Daniel?住手机，木无表情咁讲。