第十一章 （中）你以为人地同你神交？同你性交咋
喺星期五嘅夜晚，一晚，可以发生好多事。
Benjie无啦啦成个人俟落我身上，令我膊头突然承受多好重嘅重量。射灯突然停低，DJ播紧Pitbull嘅Give Me Everything，而我隔离嘅呢个人喺我耳膜边大声咁嗌紧啲歌词。四周围嘅举高双手，白色嘅射灯喺手之间漏走投射喺我身上，我知道要搵个位俾Benjie坐底先得，但偏偏Dandan又唔知去咗边。
仍然仲有少少意识嘅Benjie俾我拉咗去场嘅侧边，见到枱面嘅酒就拎嚟饮。
「喂！屌！唔系我哋?！」
但佢已经饮咗。唉，屌。
佢成个人打横咁训喺真皮梳化上面，但无耐佢又坐返直，但呆咗望住前面。Janice同埋新朋友仔行埋嚟，我唔喺好记得佢叫咩名，好似系啊John定唔知啊Ken呢啲大路名。佢哋坐喺Benjie隔离，但佢好似无咩意识咁。我见佢无咩事，又坐返返出去Dance floor中间。
已经搵唔到Daniel嘅我，行咗去Jackie度。Jackie见到我，就好热切咁拉咗我埋去跳舞。我企喺佢同Thomas中间，少不免都有少少尴尬。Ivan喺我後面揽实咗条女喺咁锡，激动嘅时候仲要抱起佢，搞到条女哗哗声咁叫出嚟。自从上个Sem完咗Sem之後，我都无出过嚟玩，可能系人越大越无心情再去到凌晨三四点流连喺中环嘅某个街口，唔知为咩而扭动身体。
「我去买杯嘢饮。」Jackie讲低一句，就随住人群逼去Bar枱前面。Thomas跟着佢行，而我都唔想自己一个留喺中间，所以跟埋去。当Jackie忙於同Bartender前面酒Jing饥渴嘅群众博弈紧嘅同时，留低我同Thomas喺後面经历呢个尴尬嘅真空期。佢望住我一阵，然後哄埋我耳边，
「我终於知道点解你咁熟面口。」
「吓？」
「我系咪喺match过你？」
「吓！？」
「你唔系member？」
「吓！？?我?系呀?但系，你都系咩？」
「我两边都得嘅。」
「你?唔系有女?啦咩？」
「我同佢?有啲复杂。」
「所以?我真系match过你嘅。」
「系呀。」佢凑埋我耳边讲，搭喺我膊头嘅手顺势滑落去我patpat度，捏咗一下先收走。我深呼吸咗一口气，随咗因为发现Thomas系Bi之外，我更加惊嘅系唔知佢想点，或者，唔知Jackie会唔会见到，又或者系其他熟人，甚至系Benjie。
Jackie拎咗三杯嘢饮过嚟，虽然我无话要啲咩，但佢都请埋我饮。我哋企喺侧边，Thomas就咁搭住Jackie膊头，但系间唔中又望过嚟。我唔识解读佢嘅眼神，净系好努力咁饮我杯嘢。冰冻嘅Vodka灌落喉咙并无令世界转动得更快，或者令我视线摇晃得更犀利。又一首嘅歌曲转换，每一下bass喺我头入面积聚，喺音乐比我嘅谂法大声嘅地方，我放弃咗思考，Jackie轻轻拉咗我出去舞池中间，Thomas喺我哋後面跟住。突然，我feel到後面突然俾人拍咗一下patpat，然後佢只手仲要留系patpat上面再捏多咗一下，我拧转头，佢挑一挑眉，好似好享受呢种偷偷哋挑逗我嘅感觉。
Beat drop之後嘅人群开始互碰撞，肢体同眼神喺突然略过嘅灯光之际嘅接触，舞池中间嘅人都开始唔太清醒，包括我在内。Thomas同Jackie虽然Keep住好接近嘅距离，但佢只手成日有意无意掂到我，一时伸手搭住我膊头，一时扫过我背脊，有时趁无人留意嘅时候，就跣落我後腰中间，搞到都唔知俾咩反应好。Thomas个friend行过嚟同佢讲咗两句，转过嚟同我哋讲声拜拜之後，就拉咗Janice走咗。
Jackie有少少惊讶，问Thomas，
「佢哋一齐走啊？」
「佢话佢哋住得近，所以一齐uber走喎。」
「哗，你个friend都好进取吓喎。」
「你个friend都唔差啫。」
「我去睇吓陈进彦先。」Jackie望住酒吧嘅尽头，寻找Benjie嘅身影。得返我同Thomas两支公，而且我同佢又唔系好熟，突然之间嘅冷场令我觉得好尶尬。
「我去个洗手间。」借尿遁当下似乎系个好主意。
我望住蓝色红色啲灯牌指引住我穿过人chao，无分男女嘅厕所排起一条长龙，我喺人龙嘅最後尝试企稳，然後我身後面就出现咗佢。
「你好似唔系好掂啦喎。」佢字面上虽然系关心我，但只手就喺我背脊度扫，令我觉得佢另有企图。
「我ok啊。」
人龙慢慢向前移，直到有一间厕隔空出嚟喺我面前。