当我捉住灏霆只手果阵，我听到佢讲左一D野，但唔系咁清楚。再过一阵，我又听到灏霆讲左D野。
「舅父，我好辛苦！」原来灏霆系有个亲人，但点解呢一刻佢唔系谂紧佢父母而系佢舅父呢？？突然间有人开门，原来霍sir返到黎。霍sir问我灏霆情况，我就同霍sir讲灏霆佢好热同好辛苦。
「Dr. ，灏霆发紧烧，你宜家可唔可以过黎睇睇佢？」霍sir打比佢个家庭医生。打完之後，霍sir见到灏霆咁辛苦就捉住灏霆只手。灏霆感觉到有人捉住佢只手，又开始讲一D野。
「舅父，我好辛苦！」灏霆真系好想见佢舅父，突然间霍sir讲左句说话。
「灏霆，唔使怕，舅父刚刚打左比Dr. ，佢宜家黎紧，你好快会冇事。」我听完之後就好震惊，估唔到呢句说话系出自霍sir。咁即系霍sir系灏霆舅父，我真系估都估唔到佢地两个系舅父同侄关系，我仲以为佢地两个搞师生恋所以先同其他人讲佢地唔系情侣。过左一阵，耀明返左黎，佢就问霍sir灏霆情况。霍sir交待完之後，耀明见霍sir个样好攰就同霍sir讲佢系房度睇住灏霆，叫霍sir休息一下。我同霍sir就系厅度等医生上黎。
「你冇野吗？」霍sir见我个样好震惊咁。
「冇，只不过……」我真系比唔到咩反应比佢。
「我都估到你会咁大反应，但你唔可以同任何人讲，因为除左学校老师同耀明，系冇人知呢件事。」霍sir咁同我讲，跟住霍sir就讲灏霆事比我听。
「灏霆系我姐姐个仔，因为我姐姐大我10年，我10岁果阵我姐姐就生左灏霆。本来系好地地，但几年前，我姐姐同我姐夫离婚。原因系佢地出面都有第二个，但最惨就系佢地竟然为左另一半去外国生活，冇人肯照顾灏霆。而我唔忍心灏霆去果D寄养家庭，我就决定照顾灏霆，做佢监护人。系呢几年里面，佢地都冇返黎搵过灏霆。就系咁，我就系灏霆唯一亲人。其实灏霆系一个好生性同好乖，佢知我养佢好辛苦，佢就好努力读书。佢年年考全级前5名，可以有奖学金……」霍sir讲左灏霆事，估唔到佢童年系咁惨，但佢有一个咁锡佢舅父已经好幸福。讲完之後Dr. 就上黎帮睇睇灏霆，搞好之後霍sir就同Dr. 一齐走，因为佢要去拎药，而我同耀明就留低继续照顾灏霆。
「耀明，你系几时知道灏霆同霍sir关系？」我好好奇问耀明。
「我识佢第2日就知。」耀明答我。
「第2日？？？」我真系估唔到咁快，跟住耀明又讲。
「件事系咁，有一日，我同灏霆留系学校帮手搞校庆布置。我地就去士多房拎野，但士多房度门坏左，搞到我地2个困左系入面成几个钟。我地打算求救，但我地又冇带电话，所以系咁拍门，但都冇人应。果阵灏霆就好惊，因为佢好怕佢会一个人，因为佢父母系几年前唔要佢，我知道左之後就安慰佢。过左一阵，我地听到霍sir系出面叫我地个名，我地就大力咁拍门畀霍sir知我地系士多房入面出唔到黎。霍sir打开门救左我地出黎，灏霆一见到霍sir就揽住霍sir系咁喊，因为佢真系好惊出唔返黎。就系呢个时候霍sir同灏霆讲左一句野，「唔好惊，有舅父系度。」当霍sir讲完呢句之後佢先记得我都在埸，就系咁，我知佢地关系同时我应承佢地唔张佢地秘密讲出黎。」
原来成件事系咁，估唔到咁戏剧性。过多阵霍sir返黎，睇一睇时间已经好夜，霍sir就叫我地今晚留系度。反正听日系星期六，唔使返学，结果我地就留一晚顺便可以睇住灏霆。