系返学之前，系霍sir屋企。
「咳！咳！」灏霆一起身就系咁咳。
「你冇事吗，要唔要同你请假？」霍sir担心灏霆，问佢要唔要系屋企休息一下。「唔使啦，几声咳，应该冇咩野。」灏霆同霍sir讲。
「咁好啦，你如果真系唔得你就去搵果个人先，放学我带你去睇医生。」
霍sir口中果个人就系张晋卫，自从耀明果件事之後，霍sir就冇再搵佢。虽然佢唔想同张晋卫有任何接触，但系张晋卫系唯一校医，同埋灏霆咁唔舒服。为左灏霆，霍sir就打电话比张晋卫，如果灏霆搵佢就要即系通知佢，之後霍sir同灏霆食埋个早餐就一齐出门口。
＜嘉龙视角＞
自从同耀明住左几日，耀明心情好返好多。今日我地就好似平时咁一齐返学，一齐倾偈。行到近学校门口，见到有架车驶入学校，原来系霍sir架车。咁当然灏霆都系架车度，但佢带左口罩，应该系唔舒服。但有一样野我真系好唔明，其实霍sir同灏霆系咩关系？之前我以为佢地两个系拍紧拖，但灏霆同我讲左唔系。但会唔会系灏霆唔想呢段「师生恋」比其他人知，所以先同我讲唔系呢。
「你谂紧D咩呀？」耀明见我谂紧野就问我。佢真系劲，又知我系度谂野……「其实你观察力咁叻，你知唔知霍sir同灏霆系咩关系？」我咁样问耀明。
「我当然知，但我应承左人佢地我唔同任何人讲。」果然耀明系知佢地关系。
小息果阵我就同耀明系teen倾下一阵去边好，倾倾下见到霍sir，佢见到我地就走过黎。
「耀明，灏霆今日唔舒服，我放左学又要去开会。我带唔到灏霆去睇医生，放左学之後你可唔可以帮我送灏霆返屋企？」霍sir问耀明。
「同埋可唔可以等埋我返黎你地先走？我怕灏霆一个人系屋企会出事，有D咩就打比我。」霍sir继续讲。
「我地？？」我好好奇个「我地」点解。
「咪你同耀明两个。」霍sir咁同我讲，原来我都可以上去，咁我就唔使一个人返屋企。
「放心，霍sir！我会好好咁睇住灏霆，有咩事我会打比你。」耀明就应承左霍sir，霍sir讲完就走左。
「原来你知霍sir住边！」我好惊奇同耀明讲。
「系呀，我仲有佢地屋企锁匙，佢地试过唔记得带锁匙就出门口，所以佢地就放条锁匙系我度，以防万一。」估唔到耀明连霍sir屋企锁匙都有，真系估佢唔到。就系咁，放左学我地就去接灏霆。我地去佢班房等佢，原来佢地已经放左学，灏霆就系班房出面等我地，我地就3个人一齐返去。系返去途中，灏霆就系咁咳，仲咳得好劲。耀明就摸一摸灏霆额头同手，超热。原来灏霆发紧烧，我地就坐的士送灏霆返去。返到去之後我就扶灏霆入房休息，而耀明就即刻打电话比霍sir同佢讲灏霆发紧烧，霍sir知道左之後就立即返黎。跟住耀明就去拎冰袋放系灏霆个额头，耀明叫我留系度睇住灏霆同埋等霍sir返黎，而佢就即刻落买野煮粥比灏霆食。系呢一刻，间屋得我同灏霆2个人，灏霆个身同面都好热同好红，佢呢一刻一定好辛苦。我见佢咁辛苦就捉住佢只手，灏霆就不停讲佢好辛苦，但灏霆讲左一样我好唔明野……