十六 有食唔食，罪大恶极（上）
我将手上面嘅试卷递上俾tutor，佢露出友善嘅笑容，将红白色嘅咭纸收好。我行出讲堂，虽然无阳光普照嘅天气，但有啲风轻轻吹埋嚟嘅感觉都好舒服。虽然只系过咗一个mid term，但接住落嚟嘅Reading放嘅一个星期假，的确有种令人解脱嘅感觉。
但其实寻晚温到差唔多通顶嘅我一早已经筋疲力竭，返翻Hall补眠之後，一醒就系啱啱返房嘅Thomas。
「Sorry，嘈醒你啊？」佢望到拮咗半个身起身嘅我。
我望一望出面仍然未日落嘅天色，出面嘅斜坡伸展落密集嘅大厦。我摇摇头，
「唔系啊，我都系恰阵啫。」
啱啱起身嘅我拎起就放喺床边嘅Macbook，check咗几个email，又偷望咗眼喺度温书嘅佢。
「有咩做啊今晚？」我试探性咁查问佢。
「Nothing special」
「我今晚可能落铜锣湾饮嘢喎，你join唔join？有Anton、Daniel佢哋?」
「?唔?I dont know?麻麻地想去玩」
「ok」
自从唔知边个星期开始，我就喺房入面无再着裤，净系着一条贴身平脚底裤，连我自己都觉得有啲暴露，有时我都惊自己扯扯地旗，尤其是好似而加呢种啱啱训醒嘅时候。
但系佢都系好似无咩反应咁。
特别系呢个星期，佢好似?好平静咁。虽然佢本身就唔系个好嘈嘅人，而今个星期佢都无特别讲少咗嘢，但系唔知点解都系有种唔同嘅感动。我一开始以为系因为输咗softball，但而家感觉又唔似。
「?所以你哋话系咪好奇怪？」我喺铁炉上面夹起一块仲冒烟嘅牛rou，边缘位置有少少燶咗。牛rou点过一下烧汁，直接去到我嘅嘴入面。
「喂啊旧牛rou系我?！」Anton大叫，「你要你自己烧啊嘛」
「喂啊唔系啊，你觉得怪唔怪先」我专登差开话题。
「诶?Not match罗?你?真系想媾Thomas咩？」Anton营营役役望住我，好似好想知我答案咁。连带侧边嘅Daniel同Chris都静心咁等我答案。
「咁又唔系，但系起码知自己有机都好啊，Thomas喎?食到就正啦。」
「肤浅」Anton讲咗句。
「嗱，学大佬Chris话斋，有食唔食，罪大恶极啊」我睄咗一眼Chris，佢无咩反应。我又夹咗旧猪颈rou落我度。
「喂啊陈进彦啊！」俾Anthony响全朵嘅我，乖乖地嘻皮笑脸咁俾返块rou佢。
「啱啊，有食唔食，罪大恶极啊」Chris又喺Anthony个碟度偷走佢块牛舌。
「即系你哋可唔可以自己烧呢？」Anton又抢返嚟，光速咁食咗。
「嗱唔好玩食物啊！好似上次咁成块跌落Benjie手机就唔好啦」无咩点讲嘢嘅Daniel终於开声制止我哋虾Anton嘅行为。
「仲好讲，啲汤入哂落我手机speaker度啊，劲核突罗」
「鬼叫你抢」
食完烧rou去22楼其实系一个不智嘅决定，个肚又涨，个胃又满，然後个身又成阵油烟味。但系血气方刚嘅男仔们，点会理咁多。
酒吧今晚好似唔系好多人，又或者系我地太早嚟到。扩音器播紧Rihanna嘅旧歌，有几个人围住吧台，但手入面已经揸住一杯嘢。
我同Daniel决定去个厕所先，俟喺墙上面排喺厕所出面嘅人龙。
「你真系锺意咗Thomas?」无咁嘈嘅空间好似令人想搵啲讲，又或者佢等咗好耐先问我。
「唔知啊，咁我都无咩其他target」
「哦?」
「做咩啊？」
「?无啊」
佢好似沉思咗一阵，又或者只不过发紧吽哣。
「你之前唔系话觉得对Chris沉咗船?咩？又无事啦？」
「都无机?啦?」
「咁你而家对住佢?仲会唔会有feel?」
其实唔系Daniel问起，我谂我都唔会问自己呢个问题，或者我纯粹唔想谂。
其实同得一个人上床嘅，点会无feel。而Feel呢啲嘢，又点会你想佢消失就消失呢？
「无挂?我估」
我哋返翻去Chris同Anton度，听住音乐一首首更替，人一个个流动。好似无几多个熟嘅面孔，但都好似无几多个靓嘅面孔喺人chao入面飘浮。我哋果然都只不过系肤浅嘅视觉动物，一切都系要满足咗眼睛嘅rou慾先。
开始上脑嘅酒Jing模糊咗视线，一个着住白色恤衫深蓝色西裤嘅人行过，同Anton挥挥手，
「识?？」我俟过去问。
「唔识?」