Page.15﹒巴士上的男人
升到中四，成个人雄心壮志咁准备会考，咁我就继续日日去补习。每日放学就留校一阵，打下排球。跟住就去补习，补完就回家。日日生活都系咁，我已经不再谂阿贤的事、 Richard 的事同爱情事。
有一晚补完习，食左D野，照旧搭巴士回家。巴士上面冇唛人，我搵左个位坐，揽住个书包垂下头训觉。训训下，感觉到有人上车，有个人企在我坐位旁。话晒都要坐成粒钟，我都唔理多唔多人啦，同埋我真系好眼训。
训训下，我觉得我後尾枕D头发好似有野勃紧咁。由於太眼训，都唔理咁多，况且可能系 D 冷气吹倒D头发。就系咁，我又训着。
训训下，我又醒左，今次真系觉得有人勃紧我D头发，吓到我唔知点算好，唯有继续训觉。惊惊下，我谂唔可以继续系咁，於是我抬起头扮伸懒腰，仲要周围望下。
「唔望由至可，一望就把几火。成架车都唔够十个人，条友痴咩线企咁埋呀﹗」我望黎望去时心谂。佢应该知道我发现左，因为佢行开左少少。见佢知难而退，我就继续训啦。训训下，佢又黎啦。今次仲……
上一篇：Page.14﹒无想过要见的JASON
下一篇：Page.16﹒非礼