Page.9﹒一瞬间出现的ANDY
第日返到学校，我同阿贤都冇再提那件事，但系佢对我的态度就越来越差，仲同D同学联手唔同我玩。咩事呀﹖
有钱仔果然有势力，搅到我上堂都冇心机。中二第一次考试仲有10科唔合格（得Maths合格），劲冇心机。返学又好；上堂又好；食饭又好；做Project又好；放学又好，都系一个人。
就系咁，唯有识D朋友仔啦，又俾我识左d中一仔，但系个天都冇待薄我，俾我识倒个靓仔 — Andy。有几好﹖（贴士：那年，四大天王好Hit嫁。）
四大天王入面，论靓仔一定唔系张学友（讲实力嫁嘛）。黎明﹖目口目面咁。Andy喎﹖系咪华仔﹖错﹗系Aaron呀。由外貌到身形，样样都似，除左肤色好黑。呢次我执到啦﹗哈哈……「二十六夜 热力在四射 浪漫如瀑布飞泻……」
Andy眼又大又圆……身型又好（玩田径）……黑黑实实咁……5尺6寸（中一算高嫁啦）……
唔知点解我好快就同佢好熟，当然我冇谂住佢系Gay啦，做个好朋友都唔错。由朝玩到晚，好开心，差D唔记得自己系中二的。吃喝玩乐样样齐，仲一齐讲女仔（其实想讲男仔多D）。虽然我唔系靓仔，但都唔算差，所以同佢一齐行出行入，不知有几多女仔涌过黎。那时候，都有谂过：「不如追下女仔，同女仔拍下拖，因为上次阿贤件事後，硬系觉得男仔唔系好人。」
美梦好快就走了，Andy识左条女唔理我﹖咪咁快。识佢时系冬天，天气凉D爽D，但之後春天同夏天就「大柠乐」啦。佢有好好好好严重的「狐狸仔」。Suit……一闻倒咩Mood都冇晒啦，仲想呕添，连企开到一尺都闻倒，真想死。外表咁正，但内里……真系好死可惜。不过，友谊呢样野唔系咁「险恶」，我都有继续同Andy玩。
升中三了，我同Andy真系唔可以再咁玩。
我就算玩极，都会读下书。我由十科唔合格努力到三科唔合格，都算系咁啦。Andy﹖佢就大获啦，成绩就一落千丈，科科都死晒。
Andy升左中二後，日日要留堂，连小息同Lunch Hour都要俾埋老师，真系惨无人道。「惨无人道」系形容我，因为升到上去中三，点知会唔会又俾人杯葛。宜家Andy「全天候」招呼D老师，边得闲理我。
上一篇：Page.8﹒射完。完。
下一篇：Page.10﹒杂锦雪糕球