问:「你讲咩话?」
Jerry以一派口夸嘅语气说:「依家全香港都想识你啊靓仔。嗱,自己你睇。除咗一张group photo,你个明星师兄Alvin就一口气upload几张同你影嘅selfie,转头就几万个like喇!」
我对网络上嘅事情,一向都冇乜兴趣。我有气无力地说:「人哋系当红歌手,有成几十万follower,求其一幅相都有几万个like啦。」
「宜家连娱乐新闻都有报道呀。呢度话你系大只牙医师弟、龙舟队主力、同Alvin一拍即合。哗、哗、哗,佢IG啲粉丝留言更不得了,我读比你听。。。」Jerry继续自说自话,而我则昏昏欲睡,毫无回话嘅意欲。
「登、登、登」
有message,仲有几张相连埋一齐,来自一个本身唔喺我tact list里面嘅人。除此之外,另有超过20个未读嘅新讯息。
「Hi Will, you are such a special person. I'm really happy today. Look forward to our date! ;)」
看罢,心头一热,已经系今日不知第几次脸红了。
《第4章:牙医义工队》完
为了故事长远发展,未必次次都咁多甜、咁多肉,请大家见谅。但有甜的话,绝不会让大家失望,哈哈。
呢一回对我嚟讲系个新尝试,要写细嘅感情变化其实难过写肉。人物性格同关系够立体,故事先会好睇,希望大家理解。
下回预告:万圣狂欢,Jerry化身爆肌法老王出巡,征服万民!
请留意《第5章:爆肌法老王》