嘅人继续唱K。梳化冰冷嘅皮革顶住我嘅脊椎，无腰骨嘅我慢慢越瀡越落。我隔离突然多咗个人，坐咗落嚟。今日无戴眼镜嘅佢，对眼好似啡咗，佢嘅粗糙嘅牛仔裤擦过我大脾，佢望住我，
「你唔好再饮到上次咁醉啊，我屋企今日无位?。」佢语气入面多咗两分唔自然嘅轻率，反而令我唔知佢系点谂。
「放心，今晚呢度应该大把人同我夹的士返Hall。」
「喂，」佢嘅音量收细，咁嘈嘅环境，唔系佢坐我隔离我都听唔到佢讲咩。「你唔系知Frederick?咩？」
「我知?不过既然佢都未出柜，我都唔会周围同人讲嘅。」
「咁好嘅你。」
「都系basic decy啫。」
「其实我有时都觉得你好勇。」
「点勇法啊？」
「当年你喺Ocamp自爆出柜嘅时候，真系大家都吓亲。」
「我咁gay，大家迟早都知啦。有咩好惊喎。」
「有好多嘢惊??」
「我谂我都系想有一日，可以喺条街度，毫无顾忌咁同中意嘅人拖手。」
「我谂，每个人都想嘅。」
「可惜，我以前嘅男朋友都系喺柜入面。而家，想搵个人拖都无人比我拖。」
笑咗两声嘅Daniel之後又叹咗口气，出咗柜太耐嘅我，已经唔记得，喺柜入面嘅牵挂同包伏，同埋嗰种日日担惊受怕嘅日子。但系有时我都明，就算身边嘅人有几接受到，你都始终好惊，惊人哋对你嘅睇法改变，惊人哋背後讲嘅说话，惊呢个标签嘅重量，会压到你失去喘息嘅空间。有时你等，等到好耐，等到过咗合适嘅时机，等到你已经唔知点开口。出柜嘅挣扎就系，当你清楚地知道一个人对基佬嘅睇法嘅时候，你就已经同呢个人熟到唔知点讲好。
我唔敢追问佢，怕讲得太白其他人会听得到我哋唔寻常嘅对话。我只能够望住佢，或者等佢再有需要借用我嘅膊头，或者耳仔嘅时候，先再次借出。有时候，我做到嘅嘢，就只有等待。
「喂边个点?呢首歌？」
熟悉嘅前奏响起，我望咗萤幕一眼，然後望吓其他人嘅反应。
「咩歌嚟?，唔识喎。」「喂，无人唱飞?啦。」「Skip啦，我插咗下一首恋爱ING，跳过Campfire好唔好。」「喂好喎，好耐无跳过啦。」
我无出声。然後机前面嘅人?两下，萤幕变成黑色，
「再见 如果玛莉走了
谁人 是露丝不再紧要」
隔离嘅人轻轻咁唱起一句旋律，细声到唔系留意紧嘅人，唔会听到。
我拧过头望吓佢，佢望住前面，但又嘴角有少少笑意。我望住佢，突然发现，原来毋须顾忌太多嘅生活，都系一种幸运。
五月天嘅结他前奏洗走其他声音，换上太过欢愉嘅气氛，我问佢
「Campfire啊组爸，你仲记唔记得点跳？」
「记得。我当年负责教Campfire?。」
一班傻仔，就咁样喺呢间房入面，做埋啲year1 freshman先会做嘅嘢，我望住Jackie，Janice同埋我其他庄友，一切又好似返返到当年咁样。我拖住隔离啲人嘅手，一齐做埋啲湿尻动作，但又出奇地，好开心。Ocamp嘅感觉，唔知点解突然袭击带啲醉意嘅我，当年仲系一切都未发生，当年都仍然觉得大学四年，咩都有可能嘅我。 我望住身边嘅傻仔傻女，谂起我哋当年一齐捱过嘅通宵，做过嘅傻事，突然，我好挂住当年嘅自己。 就系因为咩都仲有机会，所以先至咁勇敢，但当一切都开始定型嘅时候，人生唔知点解就多咗顾忌，大家谈论嘅话题开始改变，行为上思想上都唔同咗。当一切都仲仍然简单嘅时候，我哋都只不过喺播咩歌就跟住跳Campfire嘅癫佬癫婆。
隔音房嘅喧闹只系嘈吵到去凌晨嘅一点三，已经投身职场嘅人已经顶唔顺走得七七八八，仲沉醉喺酒精入面嘅人就只系净低我，Daniel，Janice，Jackie，同埋Daniel嘅庄友Ivan。我哋搭苢出返地面，好明显地，尾班车过後嘅兰桂芳，先至系所有事情嘅开端。
「喂，Anton唔系话join?咩？」Daniel问我。
「系喎，睇吓佢系边先。」
呢个时候，两个身型高大嘅男仔由串烧铺度行出嚟。左边嘅人着住一件深蓝色嘅Hoodie，佢隔离嘅人，着住一件我太熟悉嘅白色Aberbie t-shirt，就系寻晚仲挂喺我对面嗰件。
「喂！」压低嘅声线同埋拉长嘅尾音，虽然Thomas知道我系基嘅，但我都系用我把直佬声嚟同佢say hi。
「喂，咁啱嘅。」Thomas见到我个样都尚算系pleasantly surprised，经过一个星期喺Hall入面嘅相处，已经无咗初头嗰种尴尬感。
「系罗，我都唔知你今晚落嚟。」