晨曦初现，夏天嘅太阳特别起得早，寻晚训得吾好，咁快就要起身，倦意正浓，一股浓浓嘅咖啡香味扑鼻而至，令我精神为之一振。原来卓晧一早就起身煲好咖啡，两个人背靠背一齐望住日出嘅景致，咸蛋黄从片片云彩中升起，咁多个月离都系第一次可以咁闲适咁坐响度享受，重要身边有佢陪住，此情此景．．．．未至，佢究竟系边个呀？我又当佢系边个呀？佢只系一个疑似对我有好感嘅人；而我对佢又有几认识呀？可能我只系将心里面嘅幻想瞳景投射咗响佢身上，我要清醒ｄ，今日我同佢就要作出正面竞争，当然吾系话你死我亡，我吾系一个好胜嘅人，亦都冇话当佢系假想敌一定要赢佢，但我做人嘅原则都系要全力以赴，呢ｄ咁虚无缥缈嘅嘢都系放埋一边先．． ．叹完杯咖啡，整理好行装准备好出发，就响出发前，卓晧突然间好紧咁揽住我，拍我背脊，再响我耳边讲：今日我哋要公平竞争，无论谁胜谁负，我哋以後都会系好朋友！！记吾记得你寻晚讲过嘅嘢呀：「幸福系要自已争取嘅，吾好将来後悔．．．」我会记住你呢句说话，记住我哋一齐过嘅一个晚上，到适当嘅时候我一定会行动！！多谢你嘅鼓励！都吾知系佢有心定系无意，居然响出发前讲ｄ咁嘅嘢，昨晚佢嘅神情同深不可测嘅眼神又辗转响我脑海浮现，令我忐忑不安。
卓晧：你有冇锺意嘅人呀？假如你有一个锺意嘅人，但系吾知佢知吾知道，又吾知佢对自己有冇意思，你会吾会选择同佢表白呀？吾知系吾系言者无心、听者有意，我下意识觉得佢系讲紧我，吾知系吾系我谂多咗呢？我谂咗几秒先有勇气答佢：幸福系要自已争取嘅，既然系锺意咪讲出离攞，成功与否，起码将来吾会後悔．．．卓晧呆咗一呆，坐咗起身，突然拧转头望住我，口唇有少少微震，欲言又止，双方对望咗好耐，望住佢深不可测嘅眼神，都吾知佢谂紧咩，我脑里面就谂咗好多嘢，最後卓晧训返低冇再讲嘢，不过就用手紧紧咁握住我只手，冇耐就训着咗．．．．死啦，而家到我训吾着啦，偷望佢一起一伏嘅胸膛，合埋眼就谂起佢望住我嘅眼神，咁大个仔都系第一次遇到呢d情况，究竟佢系吾系讲紧我吖？还是系我谂多咗呢？就系咁样，我同卓晧就过咗我同佢第一个晚上，亦都系最後一个晚上，因为第二日嘅任务系要持续到第三日早上，应该再冇时间训觉．．．
．我稍微郁动身体，佢就即刻缩开，我抬高头只见佢若无其事咁继续写嘢，但系佢呢个举动就太过核突、太过着迹，有点儿此地无银，我当然亦都唔会玩踢爆，叫佢一齐早ｄ训，我已经攰到咩都谂吾到，好快就抱头大睡，但系我谂佢就成晚都训唔着。
忙到晚上完成晒第二日需要嘅准备功夫後，终於可以静落离休息，同卓晧一齐训咗响悬崖上面嘅草地，贪呢度无咁多蚊，又有ｄ海风吹吓，蓆地而睡，虽然系好攰，但我哋两个都好似冇咩睡意，争取交谈机会。佢居然「主动」讲佢自已嘅嘢，佢父母、佢细佬、佢嘅家庭压力、佢嘅人生目标、佢嘅未来重有佢嘅理想对象．．．，系！系佢「主动」!因为一路以离同佢相处佢都真系好少讲佢自已嘅嘢，见佢咁自我保护，我都吾敢主动问佢，以免场面尴尬，呢次居然系佢主动同我讲，我当然好开心，起码代表佢似乎放低咗对我嘅敌意，又或者佢根本同我都吾存在敌意，只系我自已小人之心呢？总之呢晚同佢倾得好开心，令我更加欣赏呢个人，同佢倾偈虽然愉快，望住星星．．．但系都真系敌吾过睡魔嘅诱惑，开始慢慢进入梦乡，冷不妨佢问咗我一个问题，搞到我成个人都突然醒咗，吾知点答佢好．．．
第二日好早就要起身，同卓晧一齐出发，去到一个渺无人迹嘅荒岛，正值夏天，忙咗成日，第一日嘅任务主要系需要我哋一齐完成，卓晧絶对系一个好好嘅合作伙伴，吾会好大喜功、亦都冇个人主义，我哋两个合作无间，虽然汗流浃背，但同佢一齐做嘢好舒服，冇咩压力，相信我哋呢一日应该攞到吾少分数。
今日嘅任务好艰苦，要持续到第三日早上，今晚一定要通顶，我同卓晧要分别以最短时间完成任务，我哋有ｄ时间会相遇，但系大部份时间我都见吾到佢，我相信我嘅进度比佢快，以为重可以见到卓晧，点知去到零晨都见吾到，突然间有种挂住佢嘅感觉，吾知佢而家做紧咩呢？佢又有冇挂住我呢？要自己同自己过一个孤独嘅晚上，寻晚嘅事又再响我脑海浮现．．．四周围都仍然系漆黑一片，可以话伸手不见五指，响咁嘅环境下系最考验一个人嘅意志力同忍耐力嘅最好时机，今晚嘅时间好似过得特别慢，完成咗最後一个关卡，正当我想转身离开之际，我就听到後面有ｄ声音，咁黑嘅环境下完全冇安全感，听到有咁嘅声音，就算我生平不做亏心事，亦都吾信有鬼神之说，但都真系可以令人好不安，不过呢ｄ嘢都吾会吓倒我．．．我用电筒照向远处就见到有一棵树摇得好厉害，跟住重好似听到ｄ人声，会吾会系卓晧呢？突然间好担心，即刻跑上去睇吓，棵树都仍然系摇得好厉害，旁边重见到卓晧嘅背囊响地下，用电筒照落去居然发现卓晧响下面，又离到人生交叉点：假如我吾理佢，继续向前完成埋个任务，咁今日胜出嘅就一定系我！！但系如果卓晧